Etorkizunari begira aurrekoei kasu egin barik

Agian, ez naz analfabeto funtzionala, gure gizartean, gutxi gorabehera, moldatzen nazelako, batez ere, makulu ederrak ditudalako. Bestalde, gure aitak ez daki sakelekoa erabiltzen, ez deko kreditu txartelik, ezta bideo ziztrin bat,... eta horrela jarraitu dezaket zerrenda luzea osatuz. Baina, zenbat gauza daki nik ez dodazenak kontrolatzen! Adibidez, badaki irakurtzen gure aurrean daukagun Durangoko Kurutziaga Kurutzea; gure inguruko txori kantu gehienak, lorak eta  zuhaitzak ezagutzen dauz; etxean apurtu izan diren gauza gehienak berak konpondu izan dauz (gaur egun ere, oraindik, gure etxean apurtzen diren tramankulu guztiak bereri eramaten dizkiot); hamazortzi urtaz bera bakarrik autoz Madrilera jeiki zen eta gidatzeko baimen guztiak atera zituen; hamiaka urtaz ikasketak utziarazi zizkien eta lanean hasi zen; idiei uztarria jartzen daki;... Gure ama ere antzerakoa da. Ipuin kontalari aparta, "matarife" (txarria hil, odolosteak eta txorizoak egin,...), jostuna, sukaldari,...   Eta, gu, ondorengoak, zer? Liburuak eta liburuak, iIkasi eta tituloak pilatu, eta gurasoen jakinduriari muzin egin? Datozen aldaketei aurre egiteko prestatzen ari gara?